اسلام آباد۔4 اګست(اے پی پی) خارجه وزير مخدوم شاه محمود قرېشي وئيلي دي پاکستان به د كشميري اولس اخلاقي ٬ سياسي او سفارتي ملاتړ دوامداره ساتي۔ د كشمير مسئلې سوله ايز حل سره منطقه كښې تل پاتې امن بحالېدے شي۔ د شورؤ په ورځ د كشمير په اړه نړيوال كنفرنس ته خطاب كښې خارجه وزير ووئيل اروپائي پارليمان ٬ نړيوالې ورورولۍ ٬ د بشري حقونو نړيوالو تنظيمونو او ميډيا د 5 اګست 2019 د هند غېر قانوني ګامونو او د رياستي ترهګرۍ غندنه كړې ۔ سلامتي كونسل كښې د 5 اګست2019 نه وروستو درې وارې د كشمير په مسئله بحث شوے بلكې د ملګرو ملتونو سېكرټري جنرل هم د كشمير مسئله د يو اېن چارټر او د سلامتي كونسل د قراردادونو له مخې د حل كولو غوښتنه كړې ۔ دې سره سره بشري حقونو لپاره د يو اېن هائي كمشنر مقبوضه جمو وكشمير كښې د هندي ظلمونو په اړه دوه رپورټس جاري كړي او دغلته د بشري حقونو د سنګينو خلاف ورزيو ئې په نړيواله كچه د پلټنيو غوښتنه كړې ۔ خارجه وزير ووئيل په نړيواله كچه د هند د ګامونو غندنه شوې خو په هند د د دې هېڅ اثر نه دے شوے۔ خارجه وزير غوښتنه وكړه چې نړيواله ورورولي او پارليمنټس دې هند مقبوضه كشمير كښې د رياستي ترهګرۍ د وژنې پېښو نه منع كړي او هند دې په بې ګناه كشميري وګړو د شوو ظلمونو ذمه وار وګرځوي۔ هغه په هند زور راوړو چې يو اېن مبصرينو ٬ د بشري حقونو تنظيمونو او ميډيا ته مقبوضه كشمير ته د تللو اجازه وركړي۔ شاه محمود قرېشي ووئيل وزيراعظم عمران خان او د هغه حكومت منطقه كښې امن او استحكام غواړي
د كشمير مسئلې سوله ايز حل سره منطقه كښې تل پاتې امن بحالېدے شي۔ د خارجه وزير شاه محمود قرېشي د كشمير په اړه نړيوال پارليماني كنفرنس ته خطاب
مضمون کا ماخذ : بہت کچھ
متعلقہ مضامین
.jpg)
