اسلام آباد۔15ستمبر(اے پی پی) صدر مملکت آصف علی زرداری جمہوری اداریں کوں تکڑا کرݨ ، ضروری اصلاحات گھن آوݨ تے پاکستان اچ جمہوریت مستحکم کرݨ سانڳے اجتماعی طور تے کم کرݨ دی لوڑھ تے زور ݙتے ۔ انھاں جمہوریت کوں ھک منصفانہ اتے جامع معاشرے دی بنیاد قرارݙیندے آ??ھی?? جو قوم کوں پیش آندے موجودہ چیلنجز دا حل ھک تکڑے تے جمہوری عمل اچ پوشیدہ اے۔صدر مملکت اے ڳالھ عالمی یوم جمہوریت دے موقع تے آپݨے سنھیے اچ آکھی اے ۔ اڄوکے سال دے یوم جمہوریت دا عالمی عنوان”مصنوعی ذہانت دی مدد نال بہتر طرز حکمرانی دا ودھارا‘اے۔ مصنوعی ذہانت انتظام عامہ اچ شفافیت، احتساب اتے کارکردگی ودھا سڳ??ی اے۔ اتے اے جدید طرز حکمرانی دا ھک اہم ذریعہ اے۔ مصنوعی ذہانت دے ذریعے معلومات تے مبنی تجزیے ݙتے ونڄ س??دن جیں توں جمہوری عمل زیادہ شفاف بݨ سڳدے تے ووٹرز امیدواراں تے انھاں دیاں پالیسیاں بارے اہم معلومات گھن سڳدن ۔ صدر مملکت آ??ھی?? جمہوریت عوام دی سیاسی عمل اچ شرکت، سیاسی تنوع اتے عوامی حقوق دے تحفظ دا ناں اے ۔ شہریاں دے سیاسی، اقتصا??ی اتے سماجی حقوق دا تحفظ ہی جمہوریت کوں ٻئے نظام حکومت نال ممتاز کریندے ۔ ساݙے ملک دے سیاسی منظرنامے تے کئی چیلنجز ابھریے۔ شہید ذوالفقارعلی بھٹو اتے شہید محترمہ بے نظیر بھٹو جیہے رہنماواں ملک اچ جمہوری عمل دی بحالی اتے استحکام سانڳے نمایاں خدمات انجام ݙتیاں، انھاں دا غیر متزلزل عزم اتے قربانیاں جمہوری اقدار دے تحفظ سانڳے انھاں دی مسلسل جدوجہد دی یاد ݙویندے۔ صدر آصف علی زرداری آ??ھی?? اڄ اساں عوامی نمائندگی دے ذریعے جمہوریت دے تحفظ، پالیسیاں بݨاوݨ تے ملک دے اہم مسئلیں دے حل دے ذریعے جمہوریت دے تحفظ اچ پارلیمان دے کردار دا وی اعتراف کریندن ۔ انہاں آ??ھی?? پارلیمنٹ مسئلیں دے حل ، شمولیت تے پاکستان دے روشن مستقبل سانڳے بنیا??ی ادارہ اے۔اڄ دے ݙینھ اساں جمہوریت نال آپݨی جڑت دا اعادہ کریندوں ۔ صدر مملکت آ??ھی?? جمہوری اصولاں نال ہی اساں مساوات، سماجی اتے اقتصا??ی انصاف، قانون دی حکمرانی اتے آزا??ی اظہارگھن سڳدوں ۔ پاکست??ن کوں پیش آندے موجودہ چیلنجاں پاروں ، جمہوری اداریں کوں تکڑا کرݨ ، اصلاحات اپناوݨ تے جمہوریت دے استحکام سانڳے رل تے کم کرݨ ضروری اے ۔ صدر آصف علی زرداری آ??ھی?? ساݙی قوم دے مسئلیں دا حل ھک متحرک اتے جامع جمہوری عمل اچ ہے ۔آؤ اساں ایں عزم دا اعادہ کروں جو اساں جمہوری اقدار دی پاسداری کریسوں ایں ڳالھ کوں یقنی بݨیسوں جو پاکستان اچ جمہوریت پَھلے پُھلے
