اسلام آباد۔30جولائی(اے پی پی)وفاقی وزیر اطلاعات ونشریات شبلی فراز آکھیے جوبلاول لکھ کوشش کرن،وزیراعظم این آر او تے کوئی کمپرومائز نہ کریسن،انہاں دیاں ترامیم پڑھو تاں کھل آندی اے،اپوزی??ن دیاں ترامیم گند دی ٹوکری اچ سٹیسوں،وزیراعظم عمران خان کرپشن کرنڑ اتے ملکی دولت لٹنڑ آلے کہیں بندے کوں وی نہ چھڑیسن بھاویں او انہاں دی اپنڑی جماعت دا ہی کیوں نہ ہووے۔اسلام آباد اچ پریس کانفرنس کریندے سینیٹر شبلی فراز آکھیا جو ??پوزیشن حکومت دے دباو پیندی پئی اے بھل عمران خان احتساب تے سمجھوتہ نہ کریسن۔انہاں آکھیے جو ??ف اے ٹی ایف قانون سازی پاکستان کیتے اے بھل اپوزیشن ایکوں نیب ایکٹ نال جوڑ تے اپنڑا الوسیدھا کرنڑ دی کوشش کیتی اے،انہاں دا مقصد صرف و صرف این آر او اے،اے کرپشن کوںاپنڑی مرضی نال قانون بنڑا تے لکاونڑ چاہندن۔انہاں آکھیے جو ??لاول شیدے دے گھر اچ بہہ تے بنھاں دے گھر وٹے نہ مارن،اے عمران خان تے تنقید کریندن بھل وزیراعظم عمران خان محنت نال اثاثے بنڑائن،بلاول ڈساون جو ??نہاں دے ٹبر تے صداقت اتے امانت دے ودے سول کیوں ہین؟بلاول کولو کرپشن تے سوال دا کیا اخلاقی جواز اے،ڈساون جو ??رے محل ??یویں گھدے؟ سوئس اکاونٹ دا کیا تھئے؟ اومنی گروپ کیتے کیں منی لانڈرنگ کیتی؟ بلاول کوں ایندا ولدا اپنڑے ٹبر توں ہی مل ویسی۔شبلی فراز آکھیے جو وزیر مشیراں دی تبدیلی وزیراعظم دا صوبدید اے، اے کوئی غیر قانونی کم نئیں، ہوسگدے کوئی بیا چنگاں جنڑا آونجے۔انہاں اپوزیشن کوں چتائے جوعمران خان ،زرداری یا نوازشریف نئیں جیڑھے کھاندے وی ہن تے لیندے وی ہن، اے نہ کھاندے نہ کھاونڑ ڈیندے ،اے جانڑ گھنن ??و ویلھا بدل گئے وزیراعظم کرپشن یا ملک لٹنڑ دے معاملے تے اپنڑی پارٹی سودھا کہیں کوں وی نہ چھڑیسن۔
