شی آن 08 جون (اے پي پي) وزیرِ اعظم محمد شهباز شریف سره شی-آن كښې د شانشی صوبې د ګوند مشر (سیكریټری) جاؤ ایدا ملاقات كړې۔په دې موقع وزیر اعظم او د شانشی ترمينځه زراعت، توان او كان كنی په څانګو كښې د مرستې لوظنامې ته حتمی شكل وركولو لپاره د پیټرولیم وزير ډاكټر مصدق ملك په مشرۍ كښې كمیټی جوړه كړه۔د خالي په ورځ د وزیراعظم آفس میډیا ونګ د اړخه جاري شوې پرېس ریلیز له مخې جاؤ ایدا د شانشی قیادت او اولس د اړخه د وزیرِ اعظم او د پاكستانی پلاوي هركلے وكړو۔وزیر اعظم ووئيل د شی-آن په مشرۍ كښې د پاكستاني پلاوي په هركلې كولو د هغه مننه كوم ۔ وزیرِ اعظم ووئيل شی-آن كښې تاریخی ځايونه كتلو سره د چین دكاریګرو هنرمندی متاثر كړې يم ، د چین حكومت او په خاص توګه د شانشی حكومت په ښه ډول د خپلې تاریخی او كلتوري ورثے حفاظت كړې دې۔وزیر اعظم ووئيل زمونږ د چين دورې په مهال د پاكستانی پلاوي تاریخی هركلے شوې،تيره ورځ د چین اعلی قیادت سره كامیاب ملاقات شوې۔ وزیرِ اعظم وئويل صدر شی جن پنګ په زړه پورې ډول د ميلستيا اهتمام كړې او زړه پوې ډول خبري اتري شوې،پاكستان او چین دوه قوي ملګري او شراكت دار دي او خپلو كښې تاریخی اړيكې لري،چین د پاكستان په هر مشكل كښې مرسته كړي په دې مونږ د هغوې مننه كوو۔ وزیرِاعظم ووئيل چې شانشی د كویډ19 په مهال د پاكستانیانو مرسته كړي، د چین قیادت پرمختګ خوښې سوچ چین په نړۍ كښې لوئ اقتصادی قوت جوړ شوې،شانشی جدید زراعت او ګرین انرجی كښې په ټوله نړغ كښې مثالی نامه لري۔وزیرِ اعظم ووئيل پاكستان او شانشی ترمينځه زراعت كښې مرستې بلنه وركوو،پاكستان شانشی څخه جدید زراعت او ګرین انرجی په څانګه كښې زدكړه كول غواړي۔وزیرِ اعظم ووئيل حكومت نه يواځې جدید زراعت بلكه زرعی اجناس پراسیسنګ سره د هغې برآمدات لپاره اقدامات كوي۔جاؤ ایدا وزیرِ اعظم ته شانشی او شی-آن اقتصادیات او مصنوعات په اړه په تفصیلی توګه خبر كړو۔ جائو ایدا ووئيل پاكستان او شانشی ترمينځه د تجارت ودې لپاره موقعې لري،شانشی حكومت د پاكستان زراعت او ګرین انرجی په اړه هر ډول معاونت لپاره چمتو دے۔جاؤ ایدا ووئيل شی-آن په پوهنتونونو كښې د پاكستان ګڼ شمير زدونكې زدكړي ترلاسه كوي،پاكستان او چین خپلو كښې قوي اړيكې لري۔ملاقات نه پس جاؤ ایدا د وزیرِ اعظم او پاكستانی پلاوي په اعزاز كښې ميلمستيا وركړه۔ملاقات كښې وفاقی وزيرانو خواجه محمد آصف، احسن اقبال، محمد اورنګزیب، عطاء الله تارړ، ډاكټر مصدق ملك، سردار اویس خان لغاری، رانا تنویر حسین ههم شامل وو۔
وزیرِ اعظم شهباز شریف سره شی-آن كښې د شانشی صوبې د ګوند مشر جاؤ ایدا ملاقات
مضمون کا ماخذ : bolão quina
متعلقہ مضامین
