اسلام آباد 24 جون (اے پي پي) د خزانې وفاقي وزير مفتاح اسماعيل وئيلي دي تېرو واكمنو هېواد ديواليه ته نزدې كړے ؤ٬ اتحادي حكومت هېواد ديواليه كېدو نه ساتلو لپاره سختې پرېكړې كړي ، مونږ هېواد د ديواليه كېدو نه بچ كړے٬ مونږ هڅه كوٶ چې په هېواد كښې بې روزګاري زياته نه شي٬ په پټروليم مصنوعات او برېښنا بېخي سبسډي وركول پكار نه وه، كومو څانګو چې ښه پېسه ګټلې په ھغوي لس فيصد ټېكس زيات كړے شوے۔ د جمعې په ورځ نجي ټي وي سره په خبرو كښې ده ووئيل هېواد ديواليه كېدو پلو روان ٶ او په پټرول سبسډي ئې نه شوه زغملې، زه ګڼم چې په برېښنا سبسډي وركول هم نه وه پكار٬ آئي اېم اېف غوښتل چې په پټروليم لېوي دې 30 روپۍ زياته كړې شي خو مونږ داسې ونه منل ۔ ده ووئيل كه دا هېواد خودداره ليدل غواړې نو شتمندو له به ټېكس وركول وي۔ ده ووئيل آئي اېم اېف مو په پي ډي اېل٬ پاور سبسډيز او نورو څيزونو قائل كړے۔ ده ووئيل د 20 زرو نه تر يو لكه په مياشتي آمدن به 2.5 فيصد انكم ټېكس وي، هر مياشت به د يو لك نه تر دريو لكهو آمدن باندې 12 فيصد انكم ټېكس وركول وي٬ ده ووئېل سپر ټېكس به په بېنكونو او شوګر ملز هم وي او يواځې يو ځل به نافذ وي۔ ده ووئيل مونږ ټول په ټېكس نېټ كښې راولو٬ په دكانونو د دريو زرو نه تر لس زرو فكسډ ټېكس لګولے شوے ٬ د سرو زرو په 30 زره دكانونو كښې يوازې 22 دكانونه رجسټرډ دي، مونږ په 30 زره دكانونو كوم چې د 300 سكوائرفټ نه كم دي په ھغې د 40 زره روپو فكسډ انكم او سېلز ټېكس لګولے دے۔ ده ووئيل د پي ټي آئي حكومت 1100 اربه روپۍ سبسډي په پاور سېكټر كښې وركړې او 500 اربه روپۍ سركلر ډېټ جلا دے٬ تېر كال 1500 اربه روپۍ د برېښنا په سبسډي خرڅ كړې شوې، اوس د پټروليم د لېوي حد به د 30 روپو په ځائ 50 روپۍ وي٬ ده ووئېل سږ كال به د كرنټ اكاٶنټ خساره د 17 اربه نه زياته وي
تېرو واكمنو هېواد ديواليه كېدو ته نزدې كړے ؤ ٬ اتحادي حكومت هېواد ديواليه كېدو نه ساتلو لپاره سختې پرېكړې كړي ، مونږ هېواد د ديواليه كېدو نه بچ كړے۔مفتاح اسماعيل
مضمون کا ماخذ : بونانزا
متعلقہ مضامین
