اسلام آباد۔6نومبر(اے پی پی) وفاقی وزیرخزانہ ومحصولات سینٹر محمد ا??ر نگزیب آکھیے اقتصادی اصلاحات دے بغیرملک ترقی نی کرسڳدا ، حکومت اقتصادی اصلاحات سانڳے پرعزم اے، ڈیجیٹلائزیشن توں انسانی مداخلت گھٹ کرݨ تے بدعنوانی تے قابوپاوݨ اچ مدد ملسی ، نجی شعبہ کوں پیداوارودھاوݨی ہوسی ۔ اے ڳالھ انھاں کراچی ??چ فیوچرسمٹ دے اٹھویں ایڈیشن توں آپݨے خطاب اچ آکھی ۔ وزیرخزانہ آکھیے پاکستان کلی معیشت دے استحکام اچ چنڳی پیشرفت کیتی تے تے مختلف معاشی اشاریں توں اے ظاہر تھیندی پئی اے، ساݙے ڈٻل ڈیجٹ گھاٹے سرپلس تھی ڳئن ۔گزریل مالی سال اچ معاشی استحکام اچ پیشرفت جاری مالی سال دے پہلے ترائے مہینے اچ مزید تکڑا کیتا ڳئے،اگست تےستمبردے مہینے اچ حسابات جاریہ دے کھاتیں دا توازن مثبت رہیے، ترسیلات زراچ چنڳاں ودھارا تھئے ۔ وزیرخزانہ آکھیے مستحکم کرنسی، زرمبادلہ دے ذخیرے اچ ودھارا تے مہانگ گھٹ تھئی اے ، شرح سود مزید گھٹݨ دے بعد 15فیصد دی سطح تے ہے، وزیرخزانہ آکھیے اے ابتدائی ثمرات ہن تے ایندے بنیاداں تے دیر تئیں م??اشی استحکام اتے نمودی عمارت تعمیرکرݨی اے۔پاکستان دی کریڈٹ ریٹنگ اچ بہتری آئی اے تے اساکوں امید اے جو جاری مالی سال اچ پاکستان دی کریڈٹ ریٹنگ سنگل بی تھی ویسی ۔ وزیرخزانہ آکھیے پالیسی ریٹ دی ڳالھ کیتی ویندی پئی اے اے وی ݙیکھݨے جو پالیسی ریٹ اچ کمی توں پہلے ہی چھی مہینے دے کائیبور دی شرح 13فیصدتئیں آچکی اے اوے او شرح اے جیں تے قرضہ ڳھدا تے ݙتا ویندا پئے ، بینکنگ دا شعبہ نجی شعبہ کوں م??اونت ݙیوݨ سانڳے دستیاب اے۔وزیرخزانہ آکھیے حکومت مختلف شعبیں کوں ریلیف ݙیندی پئی اے ، غذائی افراط زرگھٹی اے ، ای سی سی دے اجلاس اچ ضروری چیزاں دیاں قیمتاں دی نگرانی کوں ہݨ باضابطہ کارروائی داحصہ بݨایا ڳئے ،عالمی سطح تے گزریل چھی مہینے اچ پٹرول، ٹرانسپورٹیشن خرچے تے ٻیاں چیزاں دیاں قیمتاں گھٹ تھئں ، ایں صورت اچ دال تے مرغی دیاں قیمتاں اچ زیادہ ودھارا بلاجواز اے،حکومت اے ڳالھ یقینی بݨیسی جو قیمتاں گھٹ تھیوݨ دا فیدہ عوام تئیں پڄایا ویسی ۔انہاں آکھیے واشنگٹن اچ ملاقاتاں دے دوران ݙوطرفہ اتے کثیرالجہتی شراکت داراں پاکستان نال تعاون دے آپݨے عزم دااعادہ کیتے ۔ پاکستان مختلف شعبیں اچ ڈھانچہ جاتی اصلاحات داسلسلہ جاری رکھیسن ۔ایف بی آر دی ڈیجیٹلائزیشن، سرکاری کاروباری اداریں دے انتظام وانصرام اچ بہتری سانڳے اقدامات جاری رہسن ، اساں سمجھدوں ڈیجیٹلائزیشن توں انسانی مداخلت گھٹ کرݨ تے بدعنوانی تے قابو پاوݨ اچ مدد ملسی ۔وزیرخزانہ آکھیے معیشت دے بنیادی ڈی این اے کوں بدالݨا اے ،برآمدات تے مبنی نمو سانڳے اقدامات دے علاوہ کاروباراچ سوکھ ݙیوݨی ہوسی ،نجی شعبہ کوں کلیدی کردارنبھاوݨا اے ، نجی شعبہ کوں ایں ضمن اچ پیداوار ودھاوݨی ہوسی ۔وزیرخزانہ آکھیے حکومت سرمایہ کاری اچ ودھارے سانڳے اقدامات کریندی پئی اے ، پاکستان برآمدات تےمبنی براہ راست غیرملکی سرمایہ کاری کوں ترجیح ݙیسی ، بین الاقوامی کیپٹل مارکیٹاں تئیں رسائی ودھائی ویسی۔ اساکوں آبادی اچ ودھارے متعلق سٹنٹنگ اتے خواندگی دے مسئلیں دے حل سانڳے آپݨا کردار نبھاوݨا ہوسی ۔ وزیر خزانہ مزید آکھیے پاکستان اپݨے ݙوطرفہ تےکثیرالجہتی شراکت داراں نال رل تے ملکی ترقیاتی ایجنڈے کوں اڳوں ودھاوݨ سانڳے کم جاری رکھیسن فیوچرسمٹ اہم فورم اے ، ایں کانفرنس اچ شریک غیرملکی سرمایہ کاراں تے ماہرین کورئیل ٹائم اچ آن لائن ویزے جاری کیتے ڳئن ۔میں سمجھداں اے سدھے پاسے ساݙے سفردا ھک چنڳاں آغازاے۔
