اسلام آباد۔5نومبر (اے پی پی) وزیراعظم محمد شہبازشریف آکھیا جو معیشت اتے سرمایہ کاری بارے ٻہوں مثبت اشار اتے موقع ملدے پئن۔ انہاں توں فیدہ چاوݨ اساں تے اے۔ پالیسی ریٹ ڳھٹ کرݨ نال قرضیاں دے حجم اچ وݙی ڳھٹکی امسی، پاور سیکٹر اچ عوام کوں ریلیف ݙیوݨ کیتے وݙا ’’ونٹر پیکج ‘‘ڳھدی امدوں۔معیشت کوں ترقی ݙے تے روزگار، برآمدات ودھاوݨ اتے پاکستان کوں آپݨے پیراں تے کھڑاوݨے۔ میݙے دورے دے تناظر اچ پاکستانی وفد سعودی عرب روانہ تھی ڳئے۔ منگل کوں وفاقی کابینہ دے اجلاس اچ ڳالھ مہاڑ کریندیں ہوئیں وزیراعظم محمد شہبازشریف آکھیا جو مرکزی بی??ک گزریل ݙینھ پالیسی ریٹ اچ اݙھائی فیصد ڳھٹکی کیتی اے۔ ایں نال اساݙا پالیسی ریٹ 22 فیصد توں ڳھٹ تھی تے 15 تے آڳئے۔ اے کاروبار، صنعتاں، زراعت اتے برآمدات اتے تجارت کیتے ٻہوں خوش آئند اے اتے ایندے نیتجے اچ لوک آپݨے اکاؤنٹس اچ پیسہ کݙھ تے سرمایہ کاری کریسن جئیں نال روزگار، پیداوار اتے برآمدات ودھسی۔ وزیراعظم آکھیا جو پالیسی ریٹ اچ ڳھٹکی نال پیداواری صلاحیت ودھسی۔ وزیراعظم کابینہ کوں ݙسیا جو کل اسمبلی دے اجلاس دے بعد پاکستان دا وفد انہاں دے سعودی عرب دے دورے دے تناظر اچ روانہ تھی ڳئے۔ برادر ممالک سعودی عرب اتے قطر دا دورہ ٻہوں مفید اتے تعمیری رہیے۔ سعودی ولی عہد ملاقات اچ پاکستانی عوام کیتے نیک خواہشات دا اظہار کریندیں ہوئیں تیزی نال فیصلے کرݨ دی لوڑھ تے زور ݙتا۔ کل ایندی روشنی اچ اساں پیش رفت کریندیں ہوئیں آپݨا وفد سعودی عرب ٻھجوایا ہئی۔ ایں دورے اچ شمسی توانائی ، ہنر مند افرادی قوت ، کان کنی دے شعبیاں بارے معاملیاں تے غور کیتا ویسی۔ وزیراعظم آکھیا جو ہنرمند نینگراں دی سعودی عرب اتے قطر اچ وݙی منڳ اے۔ خصوصی طور آئی ٹی دے شعبے اچ وݙی کھپت اے۔ انہاں آکھیا جو بزنس ٹو بزنس معاہدیاں تے پیشرفتت تھئی اے۔ اساکوں تیزی نال کم کرݨے۔ وزیراعظم آکھیا جو آذربائیجان نال 2 ارب ڈالر دے ایم او یوز تے اڳوں ودھݨ دا ویلھا وی آڳئے۔ آذربائیجان دے??در?? پیشرفت دا سنیھا ٻھجوائے۔ ایں تے جلدی عملدرآمد کریسوں۔ وزیراعظم آکھیا جو معیشت اتے سرمایہ کاری بارے ٻہوں مثبت اشاریے ملین۔ وزیراعظم آکھیا جو پالیسی ریٹ اچ ڳھٹکی نال قرضیاں دے حجم اچ 1300 ارب روپے دی ڳھٹکی تھیسی اتے آوݨ آلے ویلھے اچ مالیاتی گنجائش ملسی۔ وزیراعظم ہدایت کیتی جو کاروباری لوکاں دی عزت اتے تکریم کیتی ونڄے اتے انہاں دا حو??لہ ودھایا ونڄے۔ ایں نال معیشت مضبوط تھیسی۔ وزیراعظم آکھیا جو پاور سیکٹر اچ ونٹر پیکیج ڳھدی آندوں۔ عام بندے کوں ریلیف ݙیوݨے اتے معیشت کوں ترقی ݙیوݨی اے۔ روزگار دے موقع اتے برآمدات ودھاوݨی اے۔ پاکستان کوں آپݨے پیراں تے کھڑا کرݨے۔ اے کٹھن اتے لمبا پندھ اے پر او قوماں اڳوں ودھدن جو فی??لہ کر ڳھنن جو حالات جینویں ہوون ??نہاں دا سامݨا کریسوں۔ ولا اللہ تعالیٰ وی کامیابی عطا کریندن۔
پالیسی ریٹ ڳھٹ کرݨ نال قرضیاں دے حجم اچ وݙی ڳھٹکی امسی، پاور سیکٹر اچ عوام کوں ریلیف ݙیوݨ کیتے وݙا ’’ونٹر پیکج ‘‘ڳھدی امدوں۔ وزیراعظم محمد شہبازشریف دی وفاقی کابینہ دے اجلاس اچ ڳالھ مہاڑ
مضمون کا ماخذ : کمپیوٹر لاٹری
متعلقہ مضامین
