اسلام آباد۔1نومبر (اے پی پی) وزیراعظم محمد شہباز شریف مستونگ اچ بم دھماکہ دی شدید الفاظ اچ مذمت کریندے آکھیے دہشتگرداں دا سکول دے ٻالاں تے حملہ بلوچستان اچ انھاں دی تعلیم دشمنی دا منہ ٻولیندا ثبوت اے ،دہشتگرد ایجھے بزدلانہ حملیں توں ساݙی قوم دے حوصلے جھکے نی کرسڳدے ۔وزیراعظم دفتر دے میڈیا ونگ توں جاری ب??ان موجب وزیراعظم دھماکے اچ ترائے ٻالاں تے ھک پولیس اہلکار دی شہادت تے ݙکھ تے افسوس کیتے ۔ انھاں شہدا دے اچے درجات تے انھاں دے گھر آلیں سانڳے صبر دی دعا منگی ۔وزیراعظم واقعہ دے ذمہ واران دی نشاندہی کرتے انہاں کوں قرار واقعی سزا ݙیواوݨ دی ہدایت کیتی۔وزیراعظم زخمیاں کوں بہ??ری?? طبی سہولتاں ݙیوݨ دی ہدایت وی کیتی ۔ وزیراعظم آکھیے دہشتگرداں دا حملہ بلوچستان اچ انھاں دی تعلیم دشمنی دا منہ ٻولیندا ثبوت اے ،دہشتگرد ایجھے بزدلانہ حملیں توں ساݙی قوم دے حوصلے جھکے نی کرسڳدے ،ایجھے حملے حکومت دے بلوچستان اچ تعلیم و ترقی دے ودھارے عز?? کوں متزلزل نی کرسڳدے ۔ وزیراعظم عز?? کیتے جو دہشتگردی دی عفریت ملک توں منڈھوں مکاوݨ تئیں ایندے خلاف جنگ جاری رکھیسوں ۔وزیراعظم آکھیے ملک و قوم دی خاطر قربانیاں ݙیوݨ آلے پولیس دے افسراں تے نینگراں تے پوری قوم کوں ماݨ اے۔
