جتھاں فوج نہ ہووے تے ادارے مضبوط نہ ہوون ، اوملک نی چل سڳدے ، وفاقی وزیر اطلاعات چوہدری فواد حسین دی کابینہ اجلاس توں بعد میڈیا کوں بریفنگ

اسلام آباد۔24اگست (اے پی پی):وفاقی وزیر اطلاعات و نشریات چوہدری فواد حسین آکھیے جو بھارت پا??ستان اچ امن عمل کوں سبوتاژ کرݨ دی کوشش کریندا پئے ، بھارت دا کوئی بارڈر افغانستان توں نی ملدا ، بھارت افغانستان اچ مداخلت توں باز رہے، پا??ستان ہمیشہ افغان مسئلہ دے سیاسی حل دی ڳال کیتی ، پا??ستان افغانستان اچ رہݨ آلے غیر ملکی شہریاں دے انخلاءاچ سہولت ݙتی، قومی ایئر لائن ہݨ تئیں کابل توں 1500 لوکاں دے انخلاءکوں یقینی بݨائے، جتھاں فوج نہ ہووے ادارے مضبوط نہ ہوون ، او ملک نی چل سڳدے ، آپݨے سڄے کھٻے ݙیکھ ڳھنو ، جتھاں ملک محفوظ کائنی اتھاں گھر وی محفوظ کائنی ۔ حکومت ملک اچ شفاف انتخابات کراوݨ کیتے اقدامات کریندی پئی اے ، پا??ستان اچ ھک الیکشن ایجھا کائنی جیں اچ اپوزیشن شفاف طریقے نال جتی ہووے ، 90 لکھ اوورسیز پا??ستانیاں کوں ووٹ دے حق توں روکݨ دی کوشش کیتی ویندی پئی اے ، دھاندلی روکݨ کیتے جوڈیشل کمیشن دی 36 سفارشات اچوں ودھ ساری داحل ای وی ایم توں ممکن ہے، اساں ٻاہرلے ملک رہݨ آلے پا??ستانیاں کوں ووٹ دا حق ݙیوݨ کیتے کوشاں ہیتے ، اوورسیز پا??ستانیاں دے زرمبادلہ دی وجہ توں ملکی معیشت مستحکم تھیندی پئی اے ، کورونا وباءدے کھنڈݨ پاروں خیبر پختونخوا اتے پنجاب دے صحت دے شعبیں تے ودھیک دٻاؤ اے ، معاشی اشاریئے مستحکم ہں، برآمدات اچ ودھارا تے مہانگ گھٹ تھیندی پئی اے ، بزنس انڈیکس اچ وی 108 فیصد نمایاں اضافہ ریکارڈ تھئے ، ڈاکٹر محمد اشفاق کوں ایف بی آر دا نواں چیئرمین جݙاں جو ڈاکٹر ندیم ظفر کوں پا??ستان ادارہ شماریات دا سربراہ تعینات کیتا ڳئے ۔ اے ڳالھیں انہاں منڳل کوں وزیراعظم عمران خان دی صدارت اچ وفاقی کابینہ دے اجلاس توں بعد میڈیا کوں بریفنگ ݙیندے ہوئیں آکھئن ۔ وفاقی وزیر اطلاعات چوہدری فواد حسین آکھیے جو وفاقی کابینہ دے اجلاس اچ وزیر خارجہ شاہ محمود قریشی افغانستان دی صورتحال تے بریفنگ ݙتی اے ۔ انہاں آکھیے جو اساݙی افغانستان دی موجودہ صورتحال تے جھاتی اے ۔ پا??ستان افغانستان توں غیر ملکی لوکاں دے انخلاءوچ اہم کردار ادا کریندا پئے ، ایں ویلھے اساں مختلف ملکاں دے ہزاراں لوکاں کوں افغانستان توں انخلاءوچ سہولت ݙتی اے ، 3500 توں ودھ لوکاں کوں بذریعہ ہوائی جہاز جݙاں جو 19 ہزار لوکاں کوں بارڈر دے ذریعے انخلاءاچ مدد ݙتی اے ، ایں پورے عمل وچ پا??ستان ساریں توں اہم اسٹیک ہولڈر اے۔ایں ویلھے اساں غیر ملکی شہریاں کیتے آپݨے بارڈرز کھولݨ دی کوشش کریندے پیوں ۔ پا??ستان حالی آپݨی فضائی اتے زمینی سرحداں کابل وچ پتھے غیر ملکی شہریاں کیتے کھولئن ۔ وفاقی وزیر اطلاعات آکھیے جو جتھاں تئیں افغانستان اچ حکومت سازی دا عمل اے، ایندے اچ اساں ذمہ واری دا کردار ادا کریندے پیوں ، اساݙا ترکی، چین تے ٻئے ملکاں نال وی رابطہ اے ، اساں افغانستان اچ مسلسل سیاسی حل دی ڳال کریندے پئے ہاسے، جے پا??ستان دی ایڈوائس تے عمل کیتا ہوندا تاں اڄ افغانستان اچ ایں قسم دی صورت حال نہ ہوندی ۔ وفاقی وزیر اطلاعات ݙسائے جو وفاقی کابینہ ایں ڳال تے زور ݙتے جو بھارت افغانستان دے اندر مداخلت توں باز رہے، ہندوستان دا افغانستان دے نال کوئی بارڈر کائنی ۔ وفاقی وزیر اطلاعات ݙسائے جو وفاقی کابینہ دے اجلاس اچ وفاقی وزیر سائنس و ٹیکنالوجی سینیٹر شبلی فراز اتے وزیراعظم دے مشیر پارلیمانی امور ڈاکٹر بابر اعوان الیکٹرانک ووٹنگ مشین اتے ٻاہرلے ملک پا??ستانیاں کیتے آئی ووٹنگ تے بریفنگ ݙتی ، انہاں آکھیے جو کابینہ آئی ووٹنگ دے نظام تے نادرا کوں ہدایت کیتی اے جو او ایں معاملے کوں وختی نبیڑے ۔ وفاقی وزیر اطلاعات آکھیے جو اوورسیز پا??ستانیاں دے زرمبادلہ دی وجہ تون ملکی معیشت مستحکم تھیندی پئی اے ، اوورسیز پا??ستانیاں دی وݙی تعداد وزیراعظم عمران خان دی قیادت تے اعتماد کریندی اے اتے پوری دنیا توں ترسیلات پا??ستان امدیاں پئن۔ چوہدری فواد حسین ڈسیا جو وفاقی کابینہ کوں کورونا بارے بریفنگ ݙتی ڳئی اے۔ ایں ویلھے خیبرپختونخواہ اتے پنجاب اچ ہسپتالاں تے بوجھ ودھ ڳ??ے، اڄوکی صلاحیت دے مطابق ستر فیصد آکسیجن استعمال تھیندی پئی اے۔ اگر صورتحال بہتر نہ تھئی تاں آکسیجن دی سپلائی گھٹ کرݨا پمسی تانجو مریضاں کوں آکسیجن ݙتی ونڄ سڳے۔ انہاں آکھیا جو کابینہ دے اجلاس اچ تریمتیں بارے واقعیاں تے وی ڳالھ تھئی اے۔ وزیراعظم عمران خان اجلاس نال خطاب کریندیں ہوئیں آکھیا جو مینار پا??ستان جیھے واقعے معاشرے دے ہر طبقے کیتے تشویشناک ہن۔ ٹک ٹاک جیھے رجحانات دے خلاف معاشرے اچ ہک ردعمل امدا پئے۔ انہاں ݙسیا جو وفاقی کابینہ ڈاکٹر محمد اشفاق کوں نواں چیئرمین ایف بی آر تعینات کرݨ دی منظوری ݙے ݙتی اے۔ ڈاکٹر احمد مجتبیٰ کوں انٹلیکچوئل پراپرٹی آرگنائزیشن آف پا??ستان دے چیئرمین دی تعیناتی تئیں عہدے دا ودھیکی چارج ݙیوݨ دی منظوری ݙتی۔ کابینہ عدیلہ خان دی ممبر نیشنل کمیشن برائے خواتین (برائے اسلام آباد کیپیٹل ٹیریٹری) تعیناتی دی وی منظوری ݙتی اے۔ وفاقی کابینہ 37 نویں دوائیں دے نرخاں تعین کرݨ دی وی منظوری ݙتی اے۔ چوہدری فواد حسین ݙسیا جو کابینہ پا??ستان اسٹیٹ آئل کمپنی دے بورڈ آف ڈائریکٹرز اچ پاور ڈویژن دی نمائندگی کوں یقینی بݨاوݨ کیتے ایں تجویز کوں منظور کیتے جو سیکریٹری پاور ڈویژن دا نمائندہ جیڑھا جو گریڈ 20 توں گھٹ نہ ہووے کوں بطور ممبر شامل کیتا ونڄے۔ ایندے علاوہ کابینہ ڈاکٹر ندیم ظفر کوں پا??ستان ادارہ برائے شماریات دا سربراہ تعینات کرݨ دی منظوری ݙے ݙتی اے۔ وفاقی وزیر اطلاعات آکھیا جو کابینہ ممبر (فائنانس) آئل اینڈ گیس ریگولیٹری اتھارٹی بارے اشتہارا دی منظوری دے نال نال ڈائریکٹر جنرل (آئل) عمران احمد کوں سلیکشن کمیٹی اچ شامل کرݨ اتے ایں اسامی کیتے ایم پی اسکیل اختیار کرݨ دی منظوری ݙتی اے۔ انہاں ݙسیا جو غیر ملکی سرمایہ کاری اچ وی استحکام امدا پئے ۔انہاں ݙسیا جو کابینہ الیکشن آرڈیننس (تریجھی ترمیم) دی منظوری ݙتی اے۔ ہک سوال دے جواب اچ انہاں آکھیا جو وݙے عرصے بعد پہلی واری ہندوستان توں ٹی ٹی پی کوں فنڈنگ دا سلسلہ رک ڳئے۔ ہک سوال دے جواب اچ انہاں آکھیا جو پی ڈی ایم دا مستقبل ایہو اے جو او لندن اچ شادیاں کرویسن، لندن اچ ای ٻئے فلیٹس گھنسن، ہݨ ݙیکھدوں جو مولانا فضل الرحمن کݙاں لندن مبارخ ݙیوݨ ویندن۔ ہک سوال دے جواب اچ انہاں آکھیا جو امریکہ دے سیکریٹری خارجہ بلنکن اتے وزیر خارجہ شاہ محمود قریشی نال ترائے واری ڳالھ کیتی اے، امریکن سنٹرل کمانڈ دے چیف، پینٹا گان اتے ڈیفنس ڈیپارٹمنٹ دے نال مشورہ جاری اے۔ انہاں ݙسیا جو ایں ویلھے ݙو ٹریک چلدے پئن جئیں اچ ترکی، ایران اتے وسطی ایشیائی ریاستاں شامل ہن۔ پا??ستان اوندا حصہ اے۔ ایں دے علاوہ دوہا اچ ہک اسٹینڈرڈ ڈائیلاگ چلدا پئے جئیں اچ چین پا??ستان روس اتے امریکہ شامل ہن۔