اسلام آباد ۔ 27 مارچ (اے پی پی) دفتر خارجہ واضح کیتے جو وزیراعظم عمران خان دے افغانستان اچ عبوری حکومت دے قیام بارے بیان کوں ذرائع ابلاغ اچ اصل گال توں ہٹ تے رپورٹ کیتا گے جیرھا جو مختلف حلقیں توں بلاجواز ردعمل دا باعث ب??ڑیا ۔بدھ کوں دفتر خارجہ ولوںجاری وضاحتی بیان اچ آکھیا گے جو وزیراعظم اپنڑے تبصرے اچ پاکستان دے ماڈل دا حوالہ ڈتا ہئی جتھاں ہک ع??وری حکومت دے تحت انتخابات منعقد تھیندن۔ انہاں کوں افغانستان دے داخلی امور اچ مداخلت نال غلط طور تے تعبیر نئی کرنڑاں چاہیدا۔ اے بیان افغانستان بارے امریکی خصوصی نمائندہ زلمے خلیل زاد دے ٹویٹ دے جواب اچ سامنڑے آئے جنہاں آکھیا ہئی جو افغانستان دے مستقبل دا فیصلہ افغان عوام خود کرنڑاں اے ت?? بین الاقوامی برادری دا کردار ایں مقصد ??یتے انہاں کوں کٹھا تھیونڑ دی حوصلہ افزائی کرنڑاں اے ۔ دفتر خارجہ ڈو ٹوک طور تے آکھیے جو افغان عوام اتے افغان قیادت اچ سیاسی عمل دے ذریعے امن دے ودھارے دے علاوہ پاکستان دا افغانستان اچ کوئی اتے م??اد کائنی۔
وزیراعظم عمران خان دے افغانستان اچ عبوری حکومت دے قیام بارے بیان کوں ذرائع ابلاغ اچ اصل گال توں ہٹ تے رپورٹ کیتا گے ، ، دفتر خارجہ دا وضاحتی بیان
متعلقہ مضامین
