اسلام آباد ۔ 17 فروری (اے پی پی) صدرمملکت ممنون حسین آکھیے جو غریب اتے پسماندہ علاقیاں تئیں علج معالجہ دیاں چنگیاں سہولتاں ڈیونڑ دی لوڑھ اے ایں سانگے حکومت دے نال نال طبی اداریاں اتے پیشہ ورانہ انمجناں کوں رل تے کم کرنڑ دی لوڑھ اے۔اے گالھ صدر مملکت ممنون حسین 15ویں بین الاقوامی کارڈیک الیکٹروفیزیالوجی کانفرنس دی افتتاحی تقریب نال خطاب اچ آکھی جیندے اچ ایڈجوٹنٹ جنرل پاکستان آرمی لیفٹیننٹ جنرل انور علی حیدر، سرجن جنرل و ڈی جی میڈیکل سروسز،لیفٹیننٹ جنرل زاہد حمید، پاکستان اتے بیرون پاکستان توں آونڑ آلے ماہرین امراضِ قلب شرکت کیتی۔صدر مملکت آکھیے جو دل دے امراض دی تشخیص، علاج اتے جراحی دے مراحل ??تنے اوکھے، لمبے اتے مہانگے ہین جو غریب لوک پریشان تھی ویندن۔ایندی وجہ طبی تحقیق دا فقدان،اینجھے امراض دی تشخیص اتے علاج کیتے ضروری آلات اتے مشینری درآمد کرنڑی پوندی اے جیں پاروں علاج دی لاگت اچ ودھارا تھی ویندے۔ایں سانگے مشینری اتے دوائیاں معیاری ہونڑیاں چاہیدن اتے علاج کوں بیا سستا کرنڑتے توجہ ڈتی ونجے۔انہ??ں آکھیے جیکر آرمی میڈیکل کو ر، دیگر طبی ادارے اتے پیشہ ورانہ تنظیماں انہاں معاملیاں تے توجہ ڈیون توں ایندے چنگے نتیجے نکلسن۔صدر مملکت آکھیے جو دل دے امراض توں بچاو ¿ کیتے ساکوں اپنڑی زندگی اچ تبدیلی گھن آونڑی ہوسی، خوراک اتے صحت دا خیال رکھنڑا ہوسی۔ساکوں چاہیدے جو اساں خوش رہوں اتے بنھاں کون وی خوش رکھوں۔انہاں امید کیتی جو اے کانفرنس اپنڑے مقاصد اچ کامیاب راہسی۔صدر مملکت آرمی میڈیکل کور دی خدمات دی وی تعریف کیتی۔
صدرمملکت ممنون حسین دی 15ویں بین الاقوامی کارڈیک الیکٹروفیزیالوجی کانفرنس اچ شرکت
مضمون کا ماخذ : میگا سینا آن لائن
متعلقہ مضامین
