اسلام آباد۔26مئی(اے پی پی)وزیراعظم محمد شهباز شریف وئيلي دي زمونږ د آئين او قانون له مخې تللو سره به هېواد مخ په وړاندې مزل وكړي٬ مونږ له به د اړي ګړي او وېش سازش مخه نيول او هېواد سولييز او سوكاله جوړول وي٬ د امنيتي ادارو اهلكارو د آئين او قانون لمخې د اولس د ځان او مال تحفظ لپاره خپل كوټلې كردار ترسره كړې دې۔ د دې خيالاتو څرګندونه ده د زيارت په ورځ د رېډزون دورې په مهال وكړه۔ په دې موقعه داخله وزير رانا ثناﺀ الله او د دفاع وزير خواجه آصف هم ده سره وو۔ وزیراعظم امنيتي اهلكارو سره خبرې وكړې او په سختو حالاتو كښې د خپل فرض په زړه پورې ډول ترسره كولو يۍ دوئي ته د عقيدت پېرزوينې وړاندې كړې۔ ده د امنيتي اهلكارو د جذبې ستائنه هم وكړه۔ په دې موقعه وزيراعظم ووئيل د امنيتي ادارو اهلكارو د آئين او قانون لمخې خپل فرض ترسره كړې دې۔ ده ووئيل دا قومي فريضه ده ٬ هېواد زمونږ د ټولو دې ٬ كه مونږ د آئين او قانون له مخې تلل كوؤ نو هېواد به د پرمختګ او يو والي په لوري مزل وكړي۔ وزیراعظم ووئيل د امنيتي ادارو اهلكارو د آئين او قانون لمخې د هېواد په ګټه كښې او د اولس تحفظ له خپل فرض ترسره كړې دې۔ دا د قائد اعظم خوب وو۔ ده ووئيل مونږ ټولو له به د ايثار ٬ قربانۍ او هېواد سره د مينې جذبې سره هېواد جوړول او كركې ختمول وي۔ وزیراعظم ووئيل مونږ به په ګډه پاكستان د قائداعظم پاكستان جوړوؤ۔ وزیراعظم پاکستان رېنجر، اسلام آباد پولیس ، ټرېفک پولیس او نورو قانون نافذ كوؤنكو ادارو ته د عقيدت پېرزوينې وړاندې كولو سره ووئيل د پاكستان د 22 كروړه اولس دعاګانې تاسو سره دي٬ زمونږ دعا ده چې هېواد امن ٬سوكالۍ او پرمختګ پلو مخ په وړاندې لاړ شي۔ ده ووئيل د اړي ګړي او وېش مخه به نيول وي٬ قوم په ټكړو كښې وېشلې شوې دې مونږ له به ددې هم مخنيوې كول وي۔ په دې موقعه وزيراعظم د امنيتي ادارو اهلكارو سره مصافحه وكړه او د تل دې وي پاكستان نعرې پورته كړې شوې
د آئين او قانون له مخې تللو سره به هېواد مخ په وړاندې مزل وكړي٬ مونږ له به د اړي ګړي او وېش سازش مخه نيول او هېواد سولييز او سوكاله جوړول وي٬ وزيراعظم شهباز شريف
مضمون کا ماخذ : ڈریگن کی قسمت
متعلقہ مضامین
