اسلام آباد۔10فروری(اے پی پی) نګران وزيراعظم انوار الحق كاكړ وئيلي دي چې د ټول ټاكنو 2024 نتيجو څخه څرګنديږي چې په ممجموعي توګه آزادې او عادلانه وې٬ مونږ د پاكستان معاشي استحكام او د نوي حكومت كاميابۍ لپاره لاس په دعا يؤ٬ د مواصلاتو بند ساتل يوازې د ترهګرۍ پېښو مخنيوي لپاره وو٬ د دې اقدام په شا كوم سياسي مقصد نه وو۔ تېره ورځ ټي آر ټي سره مركه كښې نګران وزيراعظم انوار الحق كاكړ ووئيل د اقتدار سپارلو اختيار پارليمان سره دے ٬ مطلوبه شمېرې چې څوك هم بشپړ كړي هغه به اقتدار ترلاسه كړي۔ د ټولټاكنو په ورځ د انټرنېټ او مواصلاتي بندش په اړه د يوې پوښتنې په ځواب كښې ده ووئيل ټولټاكنو څخه يوه ورځ وړاندې په بلوچستان كښې دوه ترھګر بريدونه وشول چې مقصد يۍ جمهوري عمل اغېزمن كول وو۔ د امنيتي ادارو لخوا داسې اطلاعات هم وو چې دا لړۍ به يوازې تر دوه صوبو محدود نه وي٬ زمونږ كار اولس ته امنيت وركول دي ٬ مونږ خپل اولس د ځان خطرې سره مخ كولې نه شوو۔ د مواصلاتي بندش مقصد ترهګر خپلو ناوړه مقاصد څخه منع كول وو٬ د دې مقصد كوم ډول سياسي لاس وهنه نه وه او هم دې اقدام سره اولس په سولييز چاپېريال كښې د رايې حق وكارولو۔ ده ووئيل د پاكستان اولس مېړنے او عزم لرونكے دے۔ ده ووئيل د اچولې شويو ووټونو حتمي شمېرې په اړه څه وئيل به د وخت نه وړاندے وي بياهم زيات شمېر خلك ووټ كارولو له كورونو څخه راووتل۔ ده ووئيل ماته به په دې خوشحالي وشي كه دا ټرن اؤټ 40 څخه تر 50 فيصده وي۔ ده ووئيل نتيجو څخه دا څرګندېږي چې ټول ټاكنې په مجموعي توګه آزادې او عادلانه وې۔ د يوې بلې پوښتنې په ځواب كښې ده ووئيل چې كال 2002 څخه وروستو چې كوم هم بدلون شوے د پارليمان د لارې شوے دے٬ د عمران خان په ضد عدم اعتماد هم په فلور آف دي هاؤس و۔ ده ووئيل داسې جمهوري فعاليت كومې لاس وهنې سره تړلې نه شي٬ دا د جمهوري عمل برخه ده په دې ټكونه كول سم نه دي۔
د مواصلاتو بند ساتل يوازې د ترهګرۍ پيښو مخنيوي لپاره وو٬ مطلوبه شميرې چې څوك هم بشپړ كړي اقتدار به ترلاسه كړي٬ د نګران وزيراعظم انوار الحق كاكړ مركه
مضمون کا ماخذ : Loteria Instantânea
متعلقہ مضامین
