اسلام آباد ۔ یکم نومبر(اے پی پی) وزیراعظم عمران خان گلگت بلتستان اچ اج مختلف تر??ی دے منصوبیں دا منڈھ بدھیسن۔ انہاں منصوبیں اچ سکردو اچ 26میگا واٹ دے شگر تھان ہائیڈرو پاور پراجیکٹ ‘34.5میگا واٹ دے ہائیڈرو پاور پراجیکٹ اتے سکردو اچ 250 بستریں دے ہسپتال دے منڈھ بدھنڑ دے علاوہ گلگت بلتستان اچ رینجل گریڈ فیز ون دے منصوبے شامل ہن ۔ 26میگا واٹ دے شگر تھان پن بجلی تے نظر ثانی شدہ پہلی منظور شدہ لاگت 4ارب 84کروڑ روپے اتے ڈوجھی نظر ثانی شدہ پی سی ون دی لاگت 7ارب 11کروڑ روپے اے۔ اے منصوبہ گلگت بلتستان دا بجلی اتے پانڑیں دا محکمہ مکمل کریسی تے اے 48 مہینے اچ پورا تھیسی۔منصوبے توں بجلی گھننڑ کیتے 132کے بی کے 16کلو میٹر طویل ٹرانسمیشن لائن اتے ڈو گریڈ سٹیشن قائم کیتے ویسن جڈاں جو ڈو پلاں تے پاور ہائس توں 10کلو میٹر لمب?? سڑک دی تعمیر سمیت 18کلومیٹر دی موجودہ ڈو پاسے سڑک کوں تعمیر کیتا ویسی ۔دریائے سندھ تے ہک پل سمیت پاور ہاﺅس تئیں 1.5کلو میٹر لمب?? سڑک دے نال نال 9.5کلو میٹر موجودہ سڑک کوں وی بہتر بنڑایا ویسی ۔وزیراعظم گلگت بلتستان اچ فیز ون دے تحت ع??اقائی گریڈ دے قیام دے منصوبے دا وی سنگ بنیاد رکھیسن جیں تے منظور شدہ لاگت دا تخمینہ 4ارب 95 کروڑ 91لکھ توں ودھ دے اتے اے منصوبہ 48مہینے اچ مکمل تھیسی ۔ وزیراعظم عمران خان سکردو اچ پہلے مرحلے دے تحت 250 بستریں دے ہسپتال دامنڈھ وی بدھیسن ‘ڈوجھے مرحلے اچ وی 250بستریں دا ودھارا کیتا ویسی ۔ایں ہسپتال توں 6لکھ لوکاں کوں علاج دیاں سہولتاں ملسن ۔
وزیراعظم عمران خان گلگت بلتستان اچ مختلف ترقیاتی منصوبیں دا منڈھ بدھسین
مضمون کا ماخذ : سندھ لاٹری
متعلقہ مضامین
