میانوالی ۔ 19 جولائی (اے پی پی) وزیراعظم عمران خان جمعہ کوں اتھاں نمل انسٹی ٹیوٹ اچ ہسپتال بنڑاونڑ کیتے سنگ بنیاد رکھ ڈتے۔ ایں موقع تے گورنر پنجاب چوہدری محمد سرور، وزیراعلیٰ پنجاب سردار عثمان بزدار، ڈپٹی سپیکر قومی اسمبلی قاسم ??ان سوری، وفاقی اتے صوبائی کابینہ دے ارکان وی موجود ہن۔ وزیراعظم تختی دی نقاب کشائی کیتی اتے ملکی ترقی تے خوشحالی سانگے دعا وی کیتی۔ایں موقع تے خطاب کریندے ہوئیںوزیراعظم آکھیا جو تعلیمی ادارہ اتے ہسپتال بنڑاونڑ انہاں دا خواب ہا۔ وزیراعظم آکھیا جو انسانیت دی بھلائی کرتے انسان کوں روحانی خوشی ملدی ہے، پسماندہ علاقیاں اچ جدید ہسپتال بنڑاونڑ نال مقامی غریب عوام کوں فائدہ تھیسی، تریخ اچ زندہ رہونڑ کیتے پیسہ بناونڑ دی بجائے انسانیت دی خدمت کرنڑ پوندی ہے۔ انہاں نمل اچ تعلیمی سہولتاں دی تعریف کریندے ہوئیں آکھیا جو یونیورسٹی اچ پڑھن آلے طلباءوچوں 97 فیصد کوں سکالرشپ ملے، اتھاں پی ایچ ڈی استاداں دی تعداد 22 تھی گی ہے۔ وزیراعظم ہسپتال بنڑاونڑ کیتے ممتاز کاروباری شخصیت انیل مسرت ولوں مالی مد?? کرنڑ تے انہاں دا شکریہ ادا کیتا۔وزیراعظم عمران خان آکھیا جو ملکی ترقی اچ کرپشن وڈی رکاوٹ ہے ،اج تئیں ملک اچ احتساب صرف پٹواری، تھانڑیدار اتے غریب بندے دا تھئے ، پہلی واری طاقتور بندیاں تے ہتھ پاتا گئے۔انہاں آکھیا جو باہرلے ملکاں توں سفارشاں کراونڑ یا دھمکیاں دے باوجود احتساب دا عمل کائناں رکسی۔انہاں آکھیا جو حکومت اتے 22 کروڑ عوام کرپشن کرنڑ آلیاں توں جواب منگدی پی ہے۔عمران خان دا آکھنڑ ہا جو 22 سالاں توں انتظار کر یندا پیا ہم جو اللہ سائیںمیکوں ہک واری موقع ڈیوے تاں ملک کوں مقروض کرنڑ اتے لوٹنڑ آلیاں دے خلاف کارروائی تھی سگے۔انہاں آکھیا جو گزریل 10 سالاں اچ باہر توں ریکارڈ قرضے گھن تے میٹرو سمیت بئے خسارے آلے منصوبے بنڑائے گئے۔انہاں آکھیا جو تعلیمی ادارے اتے ہسپتال بنڑاونڑ میڈا خواب ہا، انسانیت دی بھلائی کرتے انسان کوں روحانی خوشی ملدی ہے۔انہاں آکھیا جو پسماندہ علاقے اچ جدید ہسپتال بنڑاونڑ نال مقامی غریب عوام کوں فائدہ تھیسی۔وزیراعظم دا آکھنڑ ہا جو تریخ اچ زندہ رہونڑ کیتے پیسہ بناونڑ دی بجائے انسانیت دی خدمت کرنڑ پوندی ہے۔ انہاں آکھیا جو میانوالی، ڈی جی خان، آئی خان سمیت بلوچستان تئیں پنجاب دے مغربی علاقے پیچھی تے رہ گئے ہن، ہنڑ حکومت دی ایہ ترجیح ہے جو میانوالی، ڈی جی خان، ڈی آئی خان سمیت انہاں علاقیاں دی ترقی تے خصوصی توجہ ڈیوے۔ انہاں آکھیا جو میانوالی اچ چائلڈ ہسپتال بنڑاونڑ دےنال نال میانوالی ہسپتال دی اپ گریڈیشن کیتی ویسی کیونجو مقامی لوکاں ہمیشہ میڈی مد?? کیتی ہے۔ انہاں آکھیاجو ملک اچ ایں ٹائم مشکل ویلھا ضرور ہے، ساریاں قوماں مشکل توں لنگھدیاں ہن، جیوں 1960 اچ پاکستان تکھے ترقی کر یندا پیا ہا،ہنڑ ملک اچ معاشی استحکام آ ندا پئے، حکومت انسانی وسائل، تعلیم تے صحت سانگے کم کر یندی پی ہے۔ وزیراعظم عمران خان وڈے کاروباری لوکیں، مخیر حضرات اتے صنعت کاراں توں اپیل کیتی ہے جو ملک دے وڈے ہسپتالاں دے امور چنگے طریقے نال چلاونڑ سانگے مد?? کرنڑ۔
وزیراعظم عمران خان دانمل انسٹی ٹیوٹ اچ ہسپتال دے سنگ بنیاد دی تقریب توں خطاب
مضمون کا ماخذ : میگا ملینز کا بونس
متعلقہ مضامین
