اسلام آباد 12 جولائي (اے پي پي) وزيراعظم عمران خان وئېلي دي د ماحوليات تحفظ ته حكومت پام لرنه كوي ٬د اونو نالولو په كمپائن كښې دې د ټائيګر فورس٬زده كوونكو٬ ټولنې٬د سركاري او غېر سركاري محكمو بشپړ ګډون باوري كړے شي۔ده دا خبرې د ګل په ورځ د پشكال موسم د شجركارۍ په اړه د غونډې مشرۍ كولو په مهال وكړې۔په غونډه كښې د وزيراعظم د ماحولياتي بدلون خاص مرستيال ملك امين اسلم هم ګډون كولو۔په غونډه كښې د پنجاب وزيراعلٰی سردار عثمان بزدار٬د پنجاب د ځنګلات وزير محمد سبطين خان٬د وزيراعلٰی خاص مرستيالې ډاكټر فردوس عاشق اعوان٬د پنجاب چيف سېكرټري جواد رفيق ملك او نورو چارواكو د وېډيو لنك د لارې ګډون وكړو۔په دې موقع د اطلاعات او خپرونو وزير مملكت فرخ حبيب هم موجود ؤ۔د پشكال موسم شجركارۍ په اړه وزيراعظم ته د پنجاب صوبې د اهدافو او حكمت عملۍ په اړه بريفنګ وركړے شو۔غونډې ته ووئيل شول د پشكال موسم شجركارۍ كښې به د پنجاب صوبه د وړومبي صف كردار ترسره كوي۔غونډې ته ووئيل شول په تېر حكومت كښې د كال 2016م نه تر كال 2018م يوازې يو كروړ بوټي نال كړے شوي ٬په اوسني حكومت كښې تراوسه كروړنه بوټي او اونې نال كړے شوي۔د ځنګلات صوبائي وزير ووئيل د ځنګلاتو په محكمه كښې د شين پنجاب په اړه د شپږو شپږو مياشتو اهداف ټاكلې شوي ۔د سي ډي اے چيئرمېن غونډې ته په وفاقي پايه تخت اسلام آباد كښې د اونو نالولو كمپائن په اړه هم بريفنګ وركړو۔وزيراعظم عمران خان غونډې ته په خپله وېنا كښې ووئيل د ماحولياتو تحفظ لپاره شجركاري ډېره مهمه ده۔ده ووئيل خېبرپښتونخوا د بلين ټري سونامي په اړه د تقليد وړ مثال جوړ كړے٬د ماحول تحفظ په اړه د پاكستاني حكومت اقدامات په نړيواله كچه ستائېلې كېږي۔ دغسې وزيراعظم هدايت وكړو چې په پنجاب كښې دې د ډويژن او ضلعو په كچه د اونو نالولو پلان ته زر تر زره حتمي شكل وركړے شي۔وزيراعظم هدايت وكړو چې نه يوازې د اونو نالولو بلكې د اونو كمپائن څارنې او د نتيجو په اړه هم جديد طريقه اختيار كړئ
د ماحوليات تحفظ ته حكومت پام لرنه كوي ٬د اونو نالولو په كمپائن كښې دې د ټائيګر فورس٬زده كوونكو٬ټولنې ٬د سركاري او غېر سركاري محكمو بشپړ ګډون باوري كړے شي۔د وزيراعظم عمران خان د پشكال موسم د اونو بوټو نالولو كمپائن په اړه دستورې ته وېنا
مضمون کا ماخذ : como jogar lotomania
متعلقہ مضامین
