ناران۔28جون (اے پی پی):وزیر اعظم عمران خان آکھیے جو ??اک??تان سویٹزرلینڈ توں ودھ سوہݨا ملک اے ، سیاحت نال ملک اچ پیسہ آسی تے عوام کوں روزگار ملسی، شجر کاری تے م??حول دے تحفظ کیتے گارڈز اتے نگہبان مقامی آبادی توں رکھیے ویسن ، آلودگی توں تحفظ کیتے قانون تے سختی نال عمل کرایا ویسی ۔ اے ڳال انہاں سنوار کوں دورہ ناران اچ ٹائیگر فورس توں خطاب کریندے ہوئیں آکھی اے ۔ وزیراعظم آکھیے جو ??یکوں علاقے اچ ودھ شجرکاری ݙیکھ تے خوشی تھئی اے ۔ کلین اینڈ گرین ??اک??تان اساݙا ویژن اے۔ اساکوں آندیاں نسلاں کیتے ساوا سوہݨا تے صاف ستھرا ??اک??تان چھوڑ تے ونڄݨا اے ، آندیاں نسلاں ایندے تے اساݙیاں شکر گزار ہوسن ۔ وزیراعظم آکھیے جو بد قسمتی نال اساݙے بزرگاں انصاف نی کیتا تے وݨ تے جنگلات دی تباہی کیتی تے آندیاں نسلاں بارے نی سوچیا ۔ انہاں آکھیے جو اساں کیتے اے ھک چیلنج اے جو اساں ماحول کوں صاف رکھݨا اے ۔ وزیراعظم آکھیے جو او ساری دنیا پھرین دنیا اچ شاید ہی کوئی جاہ ناران، کاغان جتنی سوہݨی ہووے ، اساکوں انہاں نعمتاں تے اللہ دا شکر ادا کرݨا چاہیدے تے ایندا بہترین طریقہ اے ھے جو اساں ایندا خیال رکھوں تے ایندی حفاظت کروں ۔ وزیر اعظم علاقے دے کمشنر ولوں ݙتی ڳئی بریفنگ دی تعریف کریندے ہوئیں آکھیے جو شجر کاری اتے م??حول کیتے گارڈز اتے نگہبان مقامی لوکاں اچوں رکھیے ویسن ۔ انہاں آکھیے جو دریائے کنہار اچ گند سٹیا ویندے جیں کوں روکݨ کیتے سختی نال قانون تے عمل کرایا ونڄے۔وزیراعظم آکھیے جو ??لک اچ سیاحت تکھیے ودھدی پئی اے لیکن اے ھک چیلنج اے جو اساں صفائی اتے م??حول دے تحفظ کوں یقینی بݨاؤں ۔ وزیراعظم آکھیے جو دریائے کنہار دی مشہور ٹرائوٹ مچھی پورے ??اک??تان اچ پسند کیتی ویندی اے اتے ایندی حفاظت اتے پیداوار ودھاوݨ تے توجہ ݙتی ونڄے ۔سوئٹزر لینڈ جیڑھا جو اساݙے مقابلے اچ ٻہوں چ??وٹا ملک اے سیاحت توں 80 ارب ڈالر کمیندے جݙاں جو اساݙی کل برآمدات 25 ارب ڈالر ہن۔ سوئٹزرلینڈ توں ودھ سوہݨپ انہاں علاقیں اچ ہے اساں ایندا تحفظ نی کریندے ۔ ایندے توں پہلے وزیراعظم کوں علاقے دےکمشنر ریاض خان سیاحت اتے م??حولیاتی تحفظ کیتے چاتے ڳئے اقدامات تے منصوبیں بارے بریفنگ ݙتی۔
پاکستان سویٹزرلینڈ توں ودھ سوہݨا ملک اے ، سیاحت نال ملک اچ پیسہ آسی تے عوام کوں روزگار ملسی ، وزیر اعظم عمران خان دا ناران اچ خطاب
مضمون کا ماخذ : شریر چڑیل
متعلقہ مضامین
