اسلام آباد۔26اکتوبر (اے پی پی):وزیر خارجہ شاہ محمود قریشی گستاخانہ خاک??ں دے حوالے نال آکھیے جو اقوام متحدہ وختی اسلام دے خلاف نفرت انگیز بیانیہ دا نوٹس گھن تے پکے اقدامات کرے ۔اساں اج سنوار کوں پاکستان اچ تعینات فرانس دے سفیر کوں دفتر خارجہ سݙیے ۔اساں انہاں نال وی احتجاج کریسوں ۔سنوار کوں آپݨے بیان اچ وزیر خارجہ آکھیے جو گستاخانہ خاکیں نال پوری دنیا اچ کاوڑ پاتی ویندی اے ۔فرانس دے صدر دے غیر ذمہ دارانہ بیانات ٻلدی تے تیل دا کم کیتے۔ا نہاں آکھیے جو نفرت تے مبنی بیانیے ودھارا تھے ۔کہیں کوں حق کائنی پپڄدا اوآزادی اظہار رائے دی آڑ اچ پوری دنیا دے کروڑاں مسلماناں دی دل آزاری کرے۔وزیر خارجہ آکھیے جو اے پہلی واری ایجھا نی تھیا ۔کجھ عرصہ پہلے چارلی ہیبڈو گستاخانہ خاکے شائع کیتےجیں تے ہر پاکستانی شدید احتجاج کیتا اتے سخت الفاظ اچ مذمت کیتی ،کݙاہیں قرآن پاک کوں ساڑݨ دے واقعات سامݨے آندن ۔وزیر اعظم اڄوکے سال اقوامِ متحدہ جنرل اسمبلی دے اجلاس اچ اسلام دے خلاف نفرت انگیز بیانیے اتے اسلاموفوبیا دے خلاف آواز چاتی ۔وزیر خارجہ آکھیا جو جیویں جو تساݙے علم وچ اے جو وزیراعظم عمران خان فیس بک دے بانی مارک زکربرگ توں وی مطالبہ کیتے جو جیویں تسا?? ہولوکاسٹ تے مبنی مواد دی اشاعت نی کریندے ایں طرح اسلام دے خلاف گستاخانہ مواد دی اشاعت کوں وی روکیا ونڄے ۔انہاں آکھے جو او آئی سی دے وزرائے خارجہ دے آندے اجلاس اچ ، میں وزیر اعظم دی ہدایت تے ایں حوالے نال ہک جامع قرارداد پیش کریساں جیں اچ 15 مارچ دا ݙینھ اسلاموفوبیادے خلاف عالمی ݙینھ دے طور تے طے کرݨ دی تجویز ݙیسوں ۔
اقوام متحدہ وختی اسلام دے خلاف نفرت انگیز بیانیہ دا نوٹس گھن تے پکے اقدامات کرے، شاہ محمود قریشی
مضمون کا ماخذ : ٹکٹ خریدنے کے حوالے سے الفاظ
متعلقہ مضامین
