لاہور۔12فروری (اے پی پی):وزیراعظم عمران خان آکھیے جو ملکی ترقی کیتے لمبی مدت دے منصوبیں دی لوڑھ اے ،اربن فاریسٹ دا اے منصوبہ ٻہوں اہمیت رکھیندے ، لاہور ہک ساوا شہر ہئی جیں دے ماحول تے ماضی اچ کوئی توجہ نی ݙتی ڳئی ،ہݨ اساں ماحولیاتی آلودگی دے اثرات کوں گھٹ کرݨ کیتے گرین بیلٹس کوں ودھاوݨ ویندے پیوں، گزریل دور اچ لاہور شہر دا 70 فیصد گرین بیلٹ ختم کرݙتا ڳئے ، کوہیڑ تے سموگ پاروں ماحول تے انسانی صحت تے خراب اثر پوندا پئے ۔ اے ڳالھ انہاں جمعے کوں جیلانی پارک اچ اربن فاریسٹ دے منصوبے دی افتتاحی تقریب توں خطاب ک??یندے ہوئیں آکھی اے ۔ ایندے توں پہلے وزیراعظم عمران خان میاواکی ٻوٹا لاتے منصوبے دا منڈھ ٻدھیا جیں دے تحت 50 ڄہیں تے جنگلات لاتے ویسن ۔ ایں موقع تے وزیراعظم کوں منصوبے متعلق تفصیلی بریفنگ ݙتی ڳئی۔ وزیراعظم عمران خان آکھیے جو بدقسمتی نال لاہور اچ سموگ سودھے آلودگی دی شرح ودھ ڳئی اے ، فض??ئی آلودگی شہریاں خصوصاً بزرگاں اتے ٻالاں دی صحت کیتے چنڳی کائنی، لاہور اچ ماحولیاتی آلودگی کوں گھٹ کرݨ کیتے ساوا کریندے پیوں ،۔ انہاں آکھیے جو ملک دے 50 علاقیں اچ نویں جنگلات دی بڑھوتری کوں سیٹلائٹ دے ذریعے مانیٹر کیتا ویسی ،عوام کوں وی جنگلات دی آگاہی کیتے اقدامات کیتے ویسن ،پورے ملک اچ شجرکاری دا موسم شروع ہوتھیندا پئے ،دریائے سندھ دے سڄے پاسوں زیتون دے بوٹے رہیندے پیوں ۔ انہاں آکھیے جو ملکی ترقی کیتے لمبی مدت دے منصوبیں دی لوڑھ اے ۔
