اسلام آباد۔10نومبر(اے پی پی)چیئرمین پارلیمانی کمیٹی کشمیر شہریار خان آفریدی آکھیا جو بھارتی توسیع پسندانہ عزائم علاقائی اتے عالمی امن و ترقی کیتے ہک وݙا خطرہ ہن۔ منگل کوں عالمی کشمیر فورم ولوں سیمینارنال خطاب کریندے ہوئیں شہریار آفریدی آکھیا جو جموں وکشمیر دے عوام آزاد اتے شفاف رائے شماری سانڳے فیصلہ کرن جو پاکستان دے کٹھے رہݨا چاہندن یا ہندوستان نال؟ برطانیہ دے فوجی سربراہ جنرل سر نک کارٹر دے بیان دا حوالہ ݙیندے شہریار آفریدی آکھیا جو تریجھی عالمی جنگ دا خطرہ سچ اے، جیکر تنازعات کوں چنڳے طر??قے نال حل نہ کیتا ڳیا تاں پاکستان اتے بھارت ایٹمی جنگ آلے پاسے ٹر پوسن۔ انہاں آکھیا جو اقوام متحدہ اتے دنیا کوں تنازعہ کشمیر دے حل کیتےعملی اقدامات کرݨ دی لوڑھ اے تانجو خطے اچ جوہری جنگ توں بچ سڳوں جتھاں پاکستان بھارت اتے چین، ترائے وݙیاں جوہری ط??قت??ں، سرحدی تنازعات اچ ملوث ہن۔ شہریار آفریدی آکھیا جو پاکستان اتے بھارت کشمیر تے ݙو چھوٹیاں جنگاں توں علاوہ ترائے وڈیاں جنگاں وی لڑ چکین۔ شہریار آفریدی آکھیا جو مقبوضہ جموں و کشمیر اچ بھارتی قابض حکومت جموں و کشمیر بار ایسوسی ایشن دے انتخابات تے پابندی لا ݙتی اے اتے مطالبہ کیتے جو آئین اچوں جموں وکشمیر دے متنازعہ اسٹیٹس کوں مکایا ونڄے، بھارت دی اے حکمت عملی ناکام تھیسی کیوں جو جموں و کشمیر دے عوام بھارتی قبضے توں آزادی کیتے کہیں وی قسم دی قربانی ݙیوݨ کیتے تیار ہن۔ شہریار آفریدی آکھیے جو ہندوستان دی ہندوتوا حکومت کوں کشمیردی تاریخ بارے کڄھ وہ پتا کائنی کیونجو ہندوستانی وزیر اعظم کوں تاریخ اتے قانون دا ککھ پتا کائنی۔
بھارتی توسیع پسندانہ عزائم علاقائی و عالمی امن کیتے ٻہوں وݙا خطرہ ہن، چیئرمین پارلیمانی کمیٹی کشمیر شہریار آفریدی دا سیمینار نال خطاب
مضمون کا ماخذ : ڈاگ ہاؤس
متعلقہ مضامین
