اسلام آباد ۔ 25 مارچ (اے پی پی) صدر مملکت ڈاکٹر عارف علوی آکھیے جو پاکستان ہک طاقتور ملک اے تاں جو ہمیشہ امن چاہندے ، پاکستان دی فوج دنیا دی مضبوط ترین، تجربہ کار ??تے منظم فوج اے ، ملک دا ہر نینگر تے سپاہی ملک دفاع دا جذبہ رکھیندے،مادر وطن دے دفاع کیتے کہیں قربانی توں پچھوں نہ رہسے۔دفاع پیشہ ورانہ مہارت تے قومی یکجہتی تے قومی جہتی دی عکاس یوم پاکستان پریڈ جذبہ حب الوطنی کوں مزید اجاگر کیتے ۔انہاں اے گال سنوار کوں یوم پاکستان پریڈ دے منتظمین اچ ایوارڈز دی تقسیم دی تقریب نال خطاب کریندے ہوئیں آکھی اے ۔صدر مملکت آکھیے جو یوم پاکستان پریڈ دنیا کوں پیغام ڈیندی اے جو بلاشبہ پاکستان ہک طاقتور قوم تے مادروطن دے دفاع کیتے کہیں وی قربانی توں پچھوں نہ ہٹسی۔پاکستان دا ہر نینگر تے سپاہی ملکی دفاع دا جذبہ رکھیندے ۔انہاں پاکستان دی مسلح فوج کوں خراج تحسین پیش کریندے ہوئیں آکھیا جو مسلح فوج ہر اوکھے ویلھے اچ پاکستان دا پرچم اچا رکھیے ،پاکستانی قوم خاص طور تے مسلح فوج دہشت گردی نال مقابلے دے حوالے نال دنیا اچ ہک مثال قائم کیتی ۔ اساں دہشت گردی دے خلاف جنگ اچ ود?? ساریاں قربانیاں ڈتن ۔ صدر مملکت پاک بھارت اجوکی کشیدگی دا حوالہ ڈیندے ہوئیں آکھیے جو پلوامہ واقعہ دے بعد پاکستان تے غلط الزام لاتا گیا تاں جو پاکستان ذمے واری دا مظاہرہ کیتا ۔ اساں دشمن کوں واضح پیغام ڈتا جو جارحیت نہ کیتی ونجے ،اگر کوئی غلط اقدام چاتا گیا تاں اساں ایندا چنگاں جواب ڈیسوں تے بھارت اساڈی فضائی سرحد خلاف ورزی کیتی تاں اساں ایندا منہ بھن جواب ڈتا ۔ ایں موقع تے صدر مملکت خلیفہ راشد حضرت عمرؓ بن خطاب دے زمانہ خلافت دی ہک فتح دا حوالہ ڈیندے ہوئیں آکھیا جو علاقہ فتح تھیونڑ دے نال نال مال غنیمت وی آیا ،اگر کہیں کوں سونے دی سلھ ملی تاں انہاں مال غنیمت اچ جمع کرا ڈتی ۔انہاں آکھیا جو ایں موقع تے حضرت عمرؓ دیاں اکھیں اچ پانڑیں آگیا جیں تے انہاں دے رلے موجود خلیفہ چہارم حضرت علیؓ آکھیا ک??ا کوئی بری خبر آئی اے تاں آپؓ آکھیا جو کائناں اے خوشی دے ہنجو ہن تے انہاں واقعے بارے ڈسایا جیں تے حضرت علیؓ آکھیا اے انہاں دی کائنی آپؓدی ایمانداری اے کیوں جو ایمانداری دے اثرات قیادت توں تلے دے پاسے امدن۔ صدر مملکت آکھیا اساں انہاں اعلیٰ ہستیاں دی روایات توں سکھدے پیوں اساڈی قیادت ??تے فوج امین اے۔ صدر مملکت ڈاکٹر عارف علوی یوم پاکستان تے کامیاب پریڈ دے انعقاد تے پاکستان دی مسلح فوج ، نیم فوجی دستیں ??تے سول انتظامیہ کوں دلی مبارخ ڈیندے ہوئیں آکھیا جو اے پریڈ دفاعی ??تے پیشہ ورانہ مہارت دا ولولہ انگیز ??تے شاندار مظاہرہ ہئی جیں تے پوری قوم کوں فخر اے ۔انہاں دوست ملکاں سعودی عرب، آذربائیجان، سری لنکا، برونائی، بحرین، ترکی ??تے چین دی پریڈ اچ شمولیت دی تعریف کریندے ہوئیں انہاں دا شکریہ ادا ک??تا ۔ انہاں آکھیا پریڈ دے دوران مختلف فلوٹس خوبصورت انداز اچ پاکستان دی ثقافت دا اظہار کیتے تے اے قومی یکجہتی دا دلکش مظاہرہ ہئی جیں نال جذبہ حب الوطنی مزید اجاگر تھئے۔ ایندے توں پہلے صدر مملکت یوم پاکستان پریڈ دے منتظمین اچ ایوارڈز وی تقسیم کیتے۔
پاکستان دی فوج دنیا دی مضبوط،تجربہ کار تے منظم فوج اے ، صدر مملکت ڈاکٹر عارف علوی دا یوم پاکستان پریڈ دے منتظمین اچ ایوارڈ دی تقسیم تقریب توں خطاب
مضمون کا ماخذ : تعداد بہت زیادہ ہے۔
متعلقہ مضامین
