اسلام آباد ۔ 13 جولائی (اے پی پی) وفاقی وزیر قانون و انصاف تے موسمیاتی تبدیلی زاہد حامد نجی ٹی وی چینل کوں بے بنیاد اتے من گھڑت الزامات لاونڑ تے قانونی نوٹس بھجواڈتا۔خمیس کوں انہاں ولوں چینل 24 دے میزبان مبشر لقمان کوں پروگرام ” کھرا سچ “ اچ وفاقی وزیر قانون و انصاف اتے موسمیاتی تبدیلی زاہد حامد دے خلاف غلط بیانی تے قانونی نوٹس بھجوا ڈتا گیا ۔نوٹس اچ آکھیا گیا ہے جو پروگرام ” کھرا سچ“ جیرھا جو چینل 24 نیوز ایچ ڈی تے 11 جولائی2017 ءکوں رات 10 وجے نشر تھیا، اچ وفاقی وزیر زاہد حامد بارے اچ آکھیا گیا ہے جو او بئے ممبران نیشنل اسمبلی دے نال ہی وختی سیاسی جماعت پاکستان مسلم لیگ کوں چھوڑنڑ آلے ہن ۔قانونی نوٹس اچ آکھیا گیا ہے جو اے بیان فضول ،غلط، من گھڑت اتے بے بنیاد ہے۔ وفاقی وزیر زاہد حامد ایں گالھ تے فخر محسوس ک??یندے ہن جو او ڈو واری قومی اسمبلی سانگے پاکستان مسلم لیگ دے ٹکٹ تے منتخب تھے ہن تے وزیراعظم محمد نواز شریف انہاں کوں وفاقی وزیر تعینات کرتے انہاں کوں مزید اعزاز بخشیا۔ نوٹس اچ زاہد حامد دے وکیل ولوں آکھیا گیا ہے جو انہاں دے موکل پاکستان مسلم لیگ (ن) دے ہک وفادار، پرعزم اتے ثابت قدم رُکن ہن اتے جماعت دے منشوردے اطلاق سانگے پوری طرح سر گرم ہوں ۔
وفاقی وزیر قانون تے انصاف اتے موسمیاتی تبدیلی زاہد حامد نجی ٹی وی چینل کوں بے بنیاد اتے من گھڑت الزام لاونڑ دا قانونی نوٹس بھجواڈتا
مضمون کا ماخذ : بفیلو بلٹز
متعلقہ مضامین
